Ракометарите на Еурофарм Пелистер од Битола утре го играат натпреварот од 3. коло од Лигаша на Шампиони, против екипата на Динамо Букурешт во Романија.
На прес-конференцијата после последниот тренинг пред заминување за Романија, зборуваше ракометарот на Еурофарм Пелистер, Павле Атанасијевиќ, кој рече:
-Ни следат два тешки натпревари. Се спремаме за Динамо Букурешт, напорно работиме и верувам дека ќе одиграме во рамките на нашите можности. Имаат многу интернационалци, играат модерен ракомет и ќе биде тешко да се игра против нив. Сепак, максимално и до секој детаљ се подготвуваме. Нашите навивачи насекаде нè бодрат, па така ќе биде и во Букурешт. Ќе се обидеме да ги израдуваме.
