На единиците на Универзитетот “Св. Климент Охридски“ Битола ќе се реализира дополнителен, четврт уписен рок за запишување во прва година на прв циклус студии во академската 2024/2025 година.
Со Одлука од 305 Седница на Ректорската управа на Универзитетот “Св. Климент Охридски“ – Битола, утврдени се роковите за реализација на Конкурсот и објавени се слободните места за упис, при што, дополнителниот Конкурс за четвртиот уписен рок е објавен на интернет страницата на Универзитетот www.uklo.edu.mk и на веб страниците на факултетите и школите на УКЛО.
Четвртиот уписен рок започнува со пријавување на кандидатите на 4 10.2024, по што ќе следува објавување прелиминарна ранг- листа на 7.10.2024, објавување решение за прием на кандидатите на 9.10.2024 и запишување на кандидатите на 10.10.2024 г.
Во претходните три уписни рокови досега се запишани 1060 студенти во прва година, што според анализите, е за 170 студенти повеќе споредбено со минатата академска година.
