Десното крило на Еурофарм Пелистер од Битола се приклучи на тимот и започна со лесни тренинзи, по повредата која ја доби на почетокот на месец март на гостувањето, на натпреварот од Лигата на Шампиони, против екипата на Колштад во Норвешка.
-Се вратив, започнав да тренирам и сега почнувам полека, но за брзо ќе се вратам, ни рече Ненад Костески, на синоќешниот тренинг заедно со тимот, а на неговото лице се врати неговата препознатлива насмевка.
Костески беше успешно опериран на 4 април 2024 година градската болница “8-ми Септември“ во Скопје, откако по повредата кога медицински е утврдено дека има скинат преден вкрстен лигамент на десното колено и фрактура.
Членот на шампионот Еурофарм Пелистер имаше долги процес на рехабилитација и се очекува да се врати на терените за најмалку шест месеци. Минатата сезона за Костевски беше завршена предвреме, не беше тимот на Еурофарм Пелистер во битката за одбрана на титулата, и не беше дел ниту од македонската репрезентација во бараж двомечот против Фарски Острови.
С. Ристевски
