Еурофарм Пелистер – Вардар 35:33 (22:13)
Ракометарите на Еурофарм Пелистер вечерва во Битола го совладаа Вардар со 35:33, полувреме 22:13, во рамките на 15. коло на Суперлигата и му се реваншираа на скопјани за првиот пораз. “Пелистерци“ имаат за што да жалат, на полувреме имаа девет гола предност, а потоа дозволија Вардар да се “врати“, но останува тоа дека во Скопје беше -3 за “пелистерци“, а сега имаат +2.
Натпреварот со голови ги отвори Тајник за 1+0, па следуваше 1:1, а потоа Цехте погоди за 4:2 во седмата минута. Битолски голман Митревски се разбрани, фати четири топки, а неговиот тим замина на 8:4. “Вардарци“ се вратија и на 11:9, но Еурофарм Пелистер заигра одлично во напад, погодуваа битолските бекови од далечина, одлично функционираше и Радивојевиќ на крило, а пред полувремето предноста беше +8 (20:12). За крај на првиот дел со голот на Радивојевиќ стигнаа до највисоките 22:13.
Во првото полувреме Радивојевиќ постогна 8, а Кузмановски седум, а Никола Митревски 8 осум одбрани.
На почетокот на второто полувреме Вардар намали на 26:21, а потоа и на 27:23. “Пелистерци“ имаа константно +4, а гостите враќаа и тоа ветуваше голема борба во завршницата. Кузмановски го промаши голот и Хориха казни со гол за -2 (31:29), а потоа “пелистерци“ имаа +3. Погрешија вардарци и тоа домаќинот го казни со гол во празна мрежа (33:29). Искусниот голман на битолчани му фати зицер на Стојановски, но Петриќ пак погоди за два гола негатива, ама одново погоди Пелистер. Следуваше одлучувачка интервенција на Митревски, ама и Гогов му фати “меч топка“ на Атанасијевиќ.
Во 58. минута, а Крсманчиќ реализира деветти пат и потоа “пелистерци“ брзоплето погрешија, а Вардар имаше напад за-1. Јагуриновски реализира за 34:33 на две минути до крајот. Радивојевиќ зголени на +2 за пелистерци 35:33. Гостите направија неизнудена грешка, во последната минута, а Еурофарм Пелистер не погоди за крај.
Кај Еурофарм Пелистер Богдан Радивојевиќ постигна 13 гола, Кузмановски 8, Никола Митревски одбрани 12 удари.
