Претседателот на Фудбалската федерација на Македонија (ФФМ), Масар Омерагиќ денеска имаше средба со фудбалските великани од Битола како што се Митко Стојковски, Тони Мицевски, Ванчо Мицевски и Сашо Здравевски, на која што беше потврдено дека со изградбата на новата трибини, како и со поставувањето на рефлекторите стадионот “Петар Милошевски“ во Битола доби нов лик, но и услови за одигрување на големи натпревари.
На средбата се разговарало за актуелните фудбалски состојби во Битола и регионот. Од развој на младите до гордоста на Битола, ФК Пелистер, се до стадионот “Тумбе кафе” како база за младите македонски репрезентации.
Во соработка со градоначалникот на општина Битола, ОФС Битола и претседателот Златко Талевски, планот на ФФМ е Битола и “Тумбе кафе” да бидат домаќини на Македонија до 21 година!
