Со д-р Васил Чипуровски информираме за најсовремени апарати во медицината за прегледи на внатрешните органи, кои ги поседува. Низ овие разговори добиваме и стручни медицински информации за многу интернистички заболувања и нивно откривање и понатамошно третирање. За истите постои голема заинтересираност.
Овој пат Д-р Васил Чипуровски зборува за аscites – асцит, за што вели:
-Aсцитес или насобирање на течност во перитонеалната шуплина е најчеста компликација на црнодробната цироза поради зголемен притисок во порталната вена и преминување на течноста од крвните садови во стомачната шуплина. Етиолошки поретки причини за асцитес се конгестивна срцева слабост, хронична бубрежна инсуфициенција, инфекции и тумори или метастатски депозоти на црниот дроб, црева или пелвичните органи матка јајници.
Клиничка манифестација на асцитесот е различна од надуеност на стомакот,скратен здив,слабост до стомачна болка отоци итн.
Дијагностичка процедура со која се детектира насобирањето на течност во стомачната шуплина е различна по волумен и форма анехогеност околу хепар слезинка субдијафрагмално, можи да се користи компаративно и други imaging техники како КТ МРИ на абдомен, парацентеза – тенкоиглено отсранување на течноста од перитонеалната шуплина како и дијагностичко испитување на содржината.
Терапевтски се користи најчесто диета со ниска содржина на сол диуретици пред се фуроземид во високи дози, парацентеза до сложени хируршки интервенции ТIPS.
