Победа за радост на ракометарите и публиката, генерална проба за понеделник против Алкалоид (фотогалерија)

По подолго време вечерва во Битола екипата на Еурофарм Пелистер донесе победа против екипата на Димано Букурешт, за радост на ракометарите и навивачите во спортската сала “Боро Чурлевски“ во Битола. Во текот на целиот натпревар публиката од двете трибини обединета со ракометарите ги бодреше, посебно во моментите кога се “кршеше“ резултатот и се потврдуваше победата. Но, последната одбрана на голманот, битолчанецот, Никола Митревски, го донесе тоа што сите го посакуваа, победа, нови бодови… Потоа сите заедно, обединети, кога енергијата на навивачите се смеша до енергијата на ракометарите, сите заедно прославија, останаа да слават заедно подолго време по завршувањето на натпреварот. Ова е само генерална проба за она што не очекува во понеделник, кога се игра дербито на колото Еурофарм Пелистер и Алкалоид, битолчани чекаат победа, а ракометарите ќе имаат голема поддршка од битолчани.