Одбојкарскиот клуб Пелистер Волеј од Битола денес официјализира уште едно засилување за наредната сезона во Првата лига. Се работи за Симона Стојановска која ќе биде засилување на позицијата среден блокер.
-Она што е сон на секој клуб кога гради победнички тим е во своите редови да донеси некои од најдобрите свои домашни играчи. Станува збор за една од најискусните одбојкарки со богата играчка кариера и долгогодишна репрезентативка на Македонија со огромни успеси зад своето име, соопштија од Пелистер Волеј и додаваат:
-Симона која одбра да се врати во својот матичен клуб и несомнено ќе биди една од лидерите на екипата со новото лице, на битолски Пелистер, е нешто што ветувавме дека ќе го направиме уште на самиот почеток.
Симона доаѓа од редовите на шампионот Јанта Волеј КВ, таа во своето “си-ви“ има шампионски титули, финални натпревари во Куп. Таа е прва сениорска репрезентативка од Битола со учество на Медитерански игри во Алжир 2022 година и во Сребрена лига 2023 и 2025 година.
