Во Битола на 75 годишна возраст по долго боледување почина Живко Радевски, поранешен директор на битолската млекарница.
Радевски во сеќавањето на битолчани ќе остана како еден од најзаслужните за формирањето и подемот на битолската млекарница, кога тој со неговиот тим успеа Млекарата да ја направи една од најдобрите фабрики за преработка на млеко и изработка на млечни производи на Балканот.
По продавањето на млекарницата на странски партнер, Живко Радевски ја основа семејна млекарница, компанијата “З. Радевски“, а неговите нови млечни производи го носат името “Витапела“.
Радевски е носител на голем број на општински и државни награди, со кои беше потврдено неговото успешно работење, во индустријата и во општествениот живот.
Опелото и погребот ќе се одржат утре.
