Според пишувањето на австралискиот весник од Мелбурн, “Mail On line”, Борис Ристевски, 53 години, деновиве од страна на полицијата на Мелбурн, Австралија, е уапсен под сомнение дека ја убил својата сопруга Карен пред 18 месеци, и потоа ја закопал во месноста Mт. Macedon national park.
Ристевски, кој им потекло од овие краишта, е уапсен по долготраната истрага која ја водела полицијата од Мелбурн, а како дел од доказите, наведува весникот, биле неговиот мобилен телефон и автомобилот на убиената Карен.
Убиената Карен која имала 47 години, според весникот, за исчезната била пријавена на 29 јули 2016 година, а нејзиниот сопруг бил под истрага од 8 јули. По обемна истрага телото на исчезнатата било пронајдено на 20 февруари оваа година, а погребот бил на 6 март.
Борче Ристевски бил уапсен на 13 декември и изведен пред судските власти на Австралија.
Весникот “Mail On line” на своето интернет издание има објавено поголем текст кој е илустиран со голем број на фотографии од Борис, неговата сопруга и ќерка, како и тоа како се одвивала хронолошки истрагата на полицијата, како и од погребот на Карен. Исто така на фејсбук профилот кој бил отврорен по повод немил настан, може да се видат сите снимки и написи од сите телевизии и весници кои истражувале за овој настан.
За Ристевски, велат дека бил повлечен, и дека немал скоро никакви контакти со Македонците кои живеат во Мелбурн.
