Скромно и во присуство на членови од потесното семејство, деновиве се одбележаа трите години од смртта на еден од најталентираните ракометари од поновата генерација, Боро Чурлевски.
Боро беше сакан од бројните битолски навивачи, но со своите итри подвизи ги пленуваше и гледачите во клубовите надвор од Битола, во кои настапуваше повремено за пак да се врати во Битола, да продолжи да игра, а потоа целосно да му се посвети на тренерската работа.
Животна опсесија му беше своето знаење и богато искуство да им го посвети на младите генерации кои наумија да се посветат на ракометната игра.
Димче Миновски
