По победата на репрезентацијата на Македонија над Црна Гора, на Европското првенство во Хрватска, забавата на македонските навивачи продолжи до раните утрински часови во фан-зоната во кафе-барот “Роко“ на Јарун.
Битолските навивачи беа дел од големата прослава заедно со раководството на Ракометната федерација на Македонија.
-Со битолчани победата ја славеше и претседателот на РФМ, Живко Мукаетов, кој не го криеше задоволството од големата поддршка на битолчани кое му го даваат на репрезентативците, вели Димитар Митревски.
-Големо славење на победата над Црна Гора во фан-зоната од страна на сите навивачи, но морам да кажам дека посебен шмек му дадоа битолчани, кои покажаа дека знаат да навиваат, знаат ракомет, но и знаат да се забавуваат, ни рече Сашо Шамбевски, кои и ни прати фото од фан-зоната на РФМ.
Во фан –зоната, јавно на говорница, било речено и дека Хрватска има големо значење за македонското навивање.
-Тука во 2009 година во Вараждин, “Фалангата“ започна да се организира, без клубски бои и поделба на Македонците. И потоа од натпревар во натпревар се до 2018 бројот на навивачи се зголемува. На секој натпревар дресовите и шаловите имаат едно име Македонија, рекол Никола Пискачев од Битола, во име на сите навивачи кои се во Загреб.
Славењето на победата траело до раните утрински часови, а битолчани со развиорени македонски знамиња можело да се видат насекаде низ Загреб.
С.Р.
