Во големата сала на спортскиот центар “Борис Трајковски“ во Скопје се одржа државното првенство во кик-бокс кое беше во организација на Кик-бокс федерацијата на Македонија.
На ова државно првенство за прв пат се појави и битолскиот клуб КБК Енерџи под водство на тренерот Александар Димовски, кој за ова првенство ни рече:
-Реков дека нема да се натпреварувам на државните првенства, а така и направив, им дадов шанса на помладите борци од мојот клуб, а јас само им помагав и ги водев до медалите. На ова државно првенство КБК Енерџи настапи со девет натпреварувачи во сите возрасни категории и сакам веднаш да кажам дека сум презадоволен од успесите кои ги имаа таму со освојувањето на девет медали. Освоивме четири златни, три сребрени и две бронзени, но сакам да нагласам дека сум и задоволен од тоа што го покажаа на тартамот и надвор од него, дисциплина, почин кон противникот и кон сите службени лица, со еден збор сите деветмина се покажаа како вистински спортисти.
Златни медали освоија:
Марија Димовска, категорија деца, kik-lajt, – 42 кг.
Ана Марија Наумовска, постари кадети, kik-lajt, -55 кг.
Никола Бубевски, постари јуниори, lowkik-ring, -81 кг.
Парим Исламовски, сениори, lowkik-ring, +91 кг.
Сребрени медали освоија:
Михаил Ситковски, помлади кадети, kik-lajt, +47 кг.
Арта Селмани, постари кадети, kik-lajt, -50 кг.
Ивона Кическа, постари кадти, kik-lajt, -65кг.
Бронзени медали освоија:
Матија Кическа, јуниори, kik-lajt, -65 кг.
Дејан Дамевски, сениори, low-kik-ring, -67 кг.
Сите кои се вклучени во работата и кои ги следеа подготовките за ова државно првенство велат дека одличната работа на тренинзите, сериозноста кон извршување на поставените задачи на тренинзите е причината за вака добрите резултати кои ги постигнаа младите битолчани, а како тие ветија ќе има уште многи медали кои ќе ги красат нивните витрини и витрините на КБК Енерџи.
С.Ристевски
