Press "Enter" to skip to content

Започна шестиот по ред “Шекспир фестивал“ со “Јулие Цезар (Res publika или Kosa nostra)” (фотогалерија)

Вечерва во Народниот театар започна годинашниот, шести по ред “Шекспир театар“ со претставата на ансамблот на Народниот театар од Битола, “Јулие Цезар (RES PUBLIKA или KOSA NOSTRA)”.

Фестивалот за отворен го прогласи градоначалничката на Битола, Наташа Петровска.

За фестивалот во уводниот дел зборуваше актерот Огнен Дранговски, како беше најавен, актер кој бил во “Глоуб театарот“, кој спомена дека во ова шесто издание ќе настапат повеќе од 300 актери од неколку земји.

По официјалниот дел се одигра претставата „Јулие Цезар (Res Publica – Cosa Nostra)“ во режија на белграѓанецот Златко Паковиќ, а главните ликови им се доверени, Ликот на Цезар – Соња Михајловска, Цицерон – Петар Горко.

Фестивалот е во рамките на “Бит Фест” и се одржува со поддршка на Општина Битола и е под покровителство на Министерството за култура.

Шекспир фестивалот ќе трае осум дена и ќе се изведат 12 претстави, а утре на програмата на “Шекспир фестивалот“ е “Ричард трети“ во изведба на Театар “Гавела“ од Хрватска.

More from КултураMore posts in Култура »