Здружението на лица со телесен инвалидитет “Мобилност“ од денес Битола го организира традиционалното дефиле лица со телесен инвалидитет на Широк сокак, кое беше подржано од “Мобилност Македонија“ и општините Битола, Ресен и Демир Хисар, кое се организира по 12 пат, под мотото “Лобораме заедно“.
Целта на ова дефиле, како рекоа организаторите, е да влијае врз општеството и на одговорните лица за остварување на правата на лицата со инвалидност, кои за жал кај нас во Битола и Македонија не се применуваат онака како што лицата со инвалидитет бараат.
Во дефилето учествуваше и градоначалничката на Битола, Наташа Петровска која изјави дека ќе работат на остранување на бариерите кои ја попречуваат мобилноста на инвалидизираните лица, ќе таргетираат каде се проблематичните точки и тие да бидат вградени во инфраструктурни зафати на Општината, а сетоа тоа го овозможиме со ребалансот на буџетот.
Инвалидизираните лица се пожалија на тешкотиите во движењето со специјализираните возила, за немањето на пркинзи за нив, за лошите приоди до паркинзите и инситуциите, а повикаа и полицијата да ги казнува возачите кои им го спречиле движењето, за лошите приоди до влезовите на станбените здради каде живеат и каде сакаат да отидат, а се пожалија и на приодите до аптеките, до матичните лекари, а ја пофалија и Клиничката болница во Битола каде можат да влегуваат.
По дефилето кое се одвиваше од плоштадот “Магнолија“ до хотелот “Епинал“ се одржа и трибина во малата сала на Центарот за култура каде по поздравните говори проф. д-р Марјан Танушевски, претседател на Македонското научно друштво од Битола, одржа предавање на тема „Лобираме заедно“, а проф. д-р Сашо Кочанковски на тема “Психолошки аспекти на лобирањето“.
Танушевски ја промовира Стратегијата за рамноправна поддршка на лицата со инвалидитет од јавните власти која ја има веќе усвоено градот Загреб и мислам дека е лесно применлива во нашиот град.
Бранимир Јовановски, од “Мобилност Македонија“ зборуваше за “Социјалната инклузија и здрав начин на живот преку телесна вежба“, односно за заклучоците од проектот “CHANGE YOUR MINDSET-SPORT EVERYONE”.
Овие денешни активности беа заокружени со заедничко дружење во ресторанот “Корзо“.