Точно на полноќ започна концертот на Владо Јаневски кој настапи на Широк Сокак, на бината поставена кај супер-маркетот “Веро“ во рамките на традиционалната манифестација “Широк Сокак во бело“.
Организаторот се погрижи се да помине во најдобар ред, а присутните уживаа во музиката на Владо Јаневски кој ги испеа сите негови песни, постари, понови и оние кои тој ги компонирал за други изведувачи, а беше придружуван на клавијатури од Влатко Плевнеш.
На манифестацијата “Широк Сокак во бело“ до почетокот на настапот на Јаневски, присутните ги забавуваат и ди-џеите Рикардо и Јошевски.
“Широк Сокак во бело“ е дел од годинашниот “Бит фест“ кој завршува денес со настап на овогодишната манифестација на BANG LA DEKS.
За беспрекорно одржување на манифестација се погрижија и кафулината во овој дел на Широк Сокак: “Инстинкт“, “Милениум“, “Игучи“, “Ин“, “Симбол“, “Пиано бар“, “Портал“ “Конект“ “ и “ГТ“.
Фото: Сашо Ристевски
