За прв пат во Македонија се одржа хакатонот “Music Tech Fest“ кој има за цел развивање на нови софтверски и технолошки идеи, концепти и продукти и нивна имплементација во различни свери како музика, забава, индустрија, социјално претприемништво и др.
Битола е првиот град во светот кој го прифати овој предизвик и викендот организираше join event, Music Tech Fest, Bitola, Macedonia, што резултираше со победнички тим и признание од организаторите на Music Tech Fest- Стохолм. 
Битолчаните, битолските гимназијалци, Андреј Антуновиќ и Андреј Мицков кои како дел од тим со програмери од САД и Шведска, работеа на хардверски и софтверски проект и јавна инсталација со име Tune-IN кој му овозможува на луѓето од различни страни на светот заедно да компонираат музика.
-Задоволни сме што сме дел од еден тим на луѓе од различни страни на светот, а за нас ова е големо искуство за понатаму и сме дел од јавната инсталација Tune-IN, велат двајца гимназијалци.
Битолските хакери Андреј Антуновиќ и Андреј Мицков беа дел од Hackathon /Хакатон кој работеше на темата „ Geographically Challenged Creativity – Remote Development Challenge“.
Овој успех јасно зборува за потенцијалот кој Битола и Македонија, го имаат како и можностите кои се отвораат доколку ваквите настани се поддржат.
Битола е првиот град во светот кој го прифати предизвикот на Music Tech Fest и направи joined event заедно со главниот MTF во Стокхолм.
