Продолжува црната серија на сообраќајќи низ битолските улици, а кои се понебезбедни за пешаците.
По повредата на малото девојче на улицата “7-ми Јули“ каде сега има зголемен сообраќај, а не е безбедна за пешаците, сообраќајна незгода се случи на Булеварот, и повторно е повреден пешак.
На 14.10.2018 година во 12.52 часот на улица „1-ви Мај“ во Битола се случила сообраќајна незгода во која А.В. (30) од Битола, управувајќи мотоцикл „Јијинг“ со битолски регистарски ознаки, удрил во пешакот М.И.(73) од Битола.
Од ударот М.И. се здобил со тешки телесни повреди, по што бил пренесен во Клиничката болница Битола.
Увид на местото извршила екипа од СВР Битола.
