Денес во просториите на Техничкиот факултет во Битола “МЕПСО“ додели стипендии на две студентки во втора година Билјана Велјановскa и Александра Киревска, на насоката за електроенергетски системи, а ќе добиваат стипендија од 6.000 денари месечно во тек на академската година.
Со овој чин се возобнови соработката меѓу МЕПСО и битолскиот Технички факултет што беше започната во 2016 година, а договорите за стипендирање на студентите во име на МЕПСО им ги врачи Сашо Василевски, генерален директор на “МЕПСО“.-Продолжете со истиот ангажман и посветеност во студирањето. Вашата работа ние ја гледаме и ја вреднуваме и ќе ве поддржуваме затоа што вие, студентите сте иднината и вие ќе обезбедите економски раст и просперитет на нашата земја. Убеден сум дека оваа позитивна практика ќе охрабри и мотивира и други студенти и дека вгодина и во годините што ќе следат редовно ќе доделуваме и повеќе стипендии овде во Битола, истакна Василевски.
-Сакам да се обратам и до сегашните средношколци, а идни студенти дека инженерството а посебно електро инженерството е добар избор за идна професија посебно на ТФБ, рече студентката Билјана Велјановска, која ја доби стипендијата.
-Се надевам дека соработката со “МЕПСО“ во иднина ќе продолжи не само во оваа насока, тука и ќе се продлабочи преку поддршка на научно истражувачката работа и апликативната дејност која веќе неколку децении се негува на Техничкиот факултет во Битола, рече Нусев. Студентката Велјановска заблагодарувајќи се на “МЕПСО“ и на ТФБ истакна дека ова ќе биде мотив плус за збогатување на знаењата и за подобар успех во студирањето, рече деканот на Битолскиот технички факултет д-р Стојан Нусев.
“МЕПСО“ и Техничкиот факултет Битола пред неколку месеци склучија Меморандум со кој ја продлабочуваат соработката на повеќе полиња, а “МЕПСО“ има вкупно 17 стипендисти на факултетите за електротехника во Скопје и во Битола.