По повод Светскиот ден на здравјето во Клиниката болница во Битола се одржа собир на медицински лица и други вработени во установата, како и од ЈЗУ Здравствен дом.
На присутните им се обрати директорот на клиничката болница “Д-р Трифун Пановски“ д-р Зоран Лазаров и претставникот на синдикатот за здравство, претседателот д-р Љубиша Каранфиловски, кои им го честитаа Денот на здравствените работници.
По повод Светскиот ден за здравјето, беа доделени благодарници за најуспешните здравствени работници и на оние здравствени работници кои заминуваат во пезнија.
Инаку, Светскиот ден на здравјето се одбележува од далечната 1950 година, а одбележувањето го започна Светската здравствена организација. Целта е да се сврти вниманието на најзначајните теми со здравјето, а оваа година темата на одбележувањето беше “Универзална здравствена покриеност, здравје за сите, здравје насекаде“.
