Кафулето “Caffe Caffe“ во состав на ресторанот “Белведере“ со обновен амбиент за вистинска летна шема за битолчани во овие убави денови за Велигденските и првомајските празници.Новите модерни тенди го украсија просторот на плоштадот “Магнолија“ и ќе бидат летна шема за излегување во жешките летни месеци кои ни доаѓаат.Сопственикот, Николче Чорбевски, задоволен од стартувањето на летната сезона, во ново руво ни изјави:-Добро е што работите се завршија во одреден рок и големата тенда се постави во вистинско време и тоа пред летната сезона. Посебно ми е мило што се случи пред велигденските и првомајските празници кога и атмосферата е некако празнична. Овој амбиент ќе биде место каде битолчани со своите пријатели ќе уживаат во кафе, сладолед… Со оваа огромна тенда амбиентот доби сосема поинаков изглед и секако таа заштитува многу од врелото жешко сонце. Затоа овој амбиент ќе биде совршен за жешките летни денови.-Покрај новиот амбиент кафулето “Caffe Caffe“ воведе и новини во изборот на повеќе видови на кафе, сладолед и слатки. Се разбира дека ова кафуле е во склоп на ресторан “Белведере“ и се трудиме услугите, квалитетот на храната да бидат на највисоко ниво, додава Чорбевски.Погледот на големата тенда од кафулето “Caffe Caffe“ асоцира на убаво време, лето, врело сонце и кај сите оптимизам во претстојни убави денови после долго ладно и врнежливо време.
Сите ќе уживаат во своето прво утринско кафе во кафулето “ и следниот пат ќе пишуваме за нивниот голем избор за сечиј вкус.
Жанета Ристевска