Денес во хотелот “Милемиум“ во Битола во организација на Центарот за развој на Пелагониски плански регион се одржа прекуграничен настан за заштита на населението од природни непогоди и катастрофи, во ракмите на проектот: ”Заедничка прекугранична соработка за заштита на населението од природни непогоди и катастрофи предизвикани од човечки фактор J-CROSS”, а буџетот на Центарот за развој на Пелагонискиот регион е околу 300.000 евра.
На средбата задоа учество партнерите на J-CROSS проектот, како и претставници на институции и организации од двете прекугранични земји кои работат на оваа проблематика.
Целта на прекуграничниот настан е пред засегнатите страни и институции да се претстават целите на проектот, како и активностите кои следуваат во наредниот период во чија што реализација овие институции треба да се вклучат, а за проектот директор на Центарот за развој на Пелагониски плански регион, Гого Видимче, кој прво поздрави гостите од Грција и појасни:
-Конретно со овој проект кој е делумно финансиран и од министерсвото за локална самоуправа на нашата Влада е планирано да се направи зафат на Елешка Река каде има големи поплави, а решението ќе се бара со бај-пас што ќе го смени текот на реката во нов дел од речното корито. За таа цел набави и нов багер со кој ќе се одржува речното корито, а ќе се кориси и за други инфраструктурни зафати во општина Новаци каде е реката.
Потоа додаде Видимче со овој проект планирани се и тренинзи на специјализираните екипи од двете држави, преку кои ќе се зајакнат капацитетите за евентуално делување во непогоди, а тимовите од двете земји заеднички да делуваат, со што о тоа ќе се подигне нивото на хуманост и солидарност во пограничните региони.
За целите на проектот зборуваше и Вангелис Кацарос од Универитетот Аристотел од Солун, која како експерт за цивилна заштита, рече:
-Проектото има две главни цели. Првата е луѓето да знаат дека за цивилната заштита да функционира треба сите да се грижат, а втората која посебно е потенцирана со овин проект да се изгради доверба и да се заштитиме граѓаните на двете земји. Ако нешто лошо се случува во Битола луѓето од Лерин да дојдат да помогнат и секако и обратно.
Со проектот се опфатени и други точки на соработка како инсталирање систем за рано предупредување и тревожење, изработка на меѓуграничен план за превенција и управување со ризик, интегриран план за превенција од земјотреси, мрежа од повеќе метео-станици и GPS уреди за следење свлечишта на патишта и брани.
Проектот „Заедничка прекугранична соработка за заштита на населението од природни непогоди и катастрофи од човечки фактор J-CROSS“ кој го спорведува Центарот за развој на Пелaгонискиот плански регион со други парнери, финансиран од ИПА програмата 2014-2020, а кофинансиран од Министерството за локална самоуправа.
