Харвардското школо за јавно здравје објави резултати од едно истражување кое потврдува дека загадениот воздух делува на неродените деца и дека изложеноста на бремените жени на загаден воздух посебно на честичките PM 2.5 доведува до зголемување на бројот на децата родени со синдроми од спектарот на аутизмот.
Ова истражување е спроведено низ 50 американски сојузни држави на 116 000 медицински сестри во истражувањето започнато во 1989 година.
Препораките за овој период од годината, кога загадувањето е големо, сепак остануваат кон бремените жени, тие да избегнуваат да остануваат подолго надвор, но и да ги почитуваат дадените препораки од надлежните да не одат на работа, доколку два последователни дена со ред е забележано зголемено загадување на воздухот.
