Центарот за човекови права “АМОС“ организира приредба со 240 деца (фотогалерија)

По повод 19 ноември – Светски ден за превенција на детската злоупотреба и 20 ноември – Меѓународниот ден на детето, во Центарот за култура-Битола се одржа приредба во организација на Центарот за човекови права „АМОС“ – Битола. Приредбата ја подржаа Општина Битола, Претседателот на Советот на Битола г-нот Валентин Груевски, заменик Народен правобранител г-ѓа Лилјана Илиевска, директорката на Центар за култура Маја Андоновска – Илијевски, претставниците од одделот за превенција при МВР-Битола, волонтерите на Црвен крст и секако многубројната публика.Традиционално, по 18. пат, и оваа година настапија повеќе од 240 деца, од сите основни училишта во Битола, децата од Заводот за рехабилитација на деца со оштетен слух, како и деца од танцовите клубови, заедно со нивните наставници и тренери.Се претставија со бројни точки и ја пренесоа нивната позитивна енергија, радост и безгрижност кај повеќе од 600 присутни во салата.При обраќањето до присутните во салата, проф. д-р Сашо Кочанковски го истакна и значењето на Конвенцијата за правата на детето од ОН, која оваа година слави 30 години од нејзиното донесување.