Синоќа во Пациото на Завод и музеј во Битола се одржа втората фестивалска вечер, која според протоколите ја проследија ограничен број на публика, а оние кои беа таму уживаа во инструменталните изведби на народните песни, во носиите, во обичаите…
Пред публиката во Битола се претставија неколку културно-уметнички друштва и ансамбли на вечерта на традиционална музика и песна, кои дојдоа од разни градови и ја негуваат македонската народна традиција, песна и оро.
Први вечерта ја отворија оркестарот на народни инструменти “Рудина“ од Битола, КУД “Дримкол“ од Вевчани, АФ “Гоце Делчев“ од Битола, КУД “Бисер“ од Кичево, ФА “Китка“ од Истибања.
За крај на вечерта публиката уживаше во изведбата на КУД „Илинден“, во градското оро и во избедбата на кларинетистот Чапче.
На втората фестивалска вечер на фестивалот “Илинденските денови“ се одржа и проекција на етнолошки филмови пред Магазата.
