Проект “Комуникација“ за подигање на свеста на населението “ЕУ Институт Скопје“ и “Bitolanews“ – Битола.
Телефонската комуникација е подеднакво важна исто како и сите останати типови на комуникација во секојдневното деловно или приватно функционирање. Она што е потребно да го имаме секогаш во предвид е дека нашиот глас е единствениот инструмент кој може да го користиме при ваквиот вид на комуникација. Потребно е да му дадеме целосно внимание и фокус на гласот ! Уште еднаш да повториме, во ваквиот вид комуникација, пристапот, претставувањето, барањето и резултатот, потполно и целосно зависат од нашиот глас. Ова е комплексен вид на комуникација. Затоа, потребно е да сме свесни до најмал детал за начинот на кој ќе ја реализираме телефонската комуникација.
Заради овие причини, секогаш прво на што мораме да внимаваме е на тонот и на бојата на нашиот глас. Не смееме да си дизволиме да иритираме со гласот, ниту да зборуваме на висока фреквенција, ниту пак безлично и инфериорно. Потребно е да имаме мерка, средина. Ниту гласно, ниту тивко, ниту несигурно !
ВАЖНИ НАСОКИ ЗА ТЕЛЕФОНСКА КОМУНИКАЦИЈА
Пред секој телефонски повик потребно е претходно да извршиме подготовка за иститот. Секогаш практикувајте да имате план, скица на тоа што ќе кажете кога барате, повикувате, некого по телефон и обавезно да имате тефтер и пенкало во рака. Смиреност во изразувањето, користење на конкретни одлучни кратки реченици, одлучност, како и пристојност е потребно да поседуваме во ваквиот вид на комуникација и тоа се со цел да оставиме одличен позитивен впечаток, но најважно од се е да реализираме успешен појдовен повик поради кој и го извршуваме телефонскиот разговор.
ЗА ШТО СЕ КОРИСТИ ТЕЛЕФОНСКАТА КОМУНИКАЦИЈА НАЈЧЕСТО ?
Најчесто ваквата комуникација се користи за договарање и реализација на средби, закажување состаноци (интерни, екстерни ) и за давање некаков вид на информации.
ШТО Е ПОТРЕБНО ДА ЗНАЕМЕ КОГА СЕ ЈАВУВАМЕ НА ТЕЛЕФОН !?
Секогаш кога се јавуваме во некоја команија или директно кај одредена личност, потребно е да почекаме телефонот да заѕвони 2-3 пати. Откако некој од другата страна ќе дигне слушалка, веднаш се претставуваме, со титула (ова ако имаме ) и лично име и презиме, па потоа фирмата или секторот од кој се јавуваме.
Ако разговараме со некој кој не го познаваме воопшто и ова ни е прв телефонски контакт, не смееме да си дозволиме семеен или другарски и жаргонски начин на обраќање ! Пожелно е да го ословиме соговорникот со госпоѓо или господине и секако со нејзиното/неговото презиме.
Доколку разговараме со некого со кого веќе сме имале реализиран контакт, дозволено е да започнеме разговор на некоја неутрална, необавезна тема. Ова не треба да трае предолго од причина што нашето јавување ќе отиде во сосема друга насока и ќе ја изгуби смислата.
При телефонски разговори учтиво е да користиме изрази од типот: ви благодарам, ќе ве замолам, ќе сакате ли да оставите порака, ќе ве побарам во следна прилика со нови детали и информации и слично. Ова се зависи во однос на тоа од каква е побудата на нашето јавување.
ПРАВИЛА ЗА УСПЕХ ВО ТЕЛЕФОНСКА КОМУНИКАЦИЈА
1. За телефонскиот разговор да е ефикасен, разговорот треба да е краток !
2. Никогаш не си дозволувајте да преговарате за работа и телефонски да држите презентации или состаноци ( освен во исклучоци кога сте продажен кол центар ) или во некоја претходна комуникација во која веќе нешто претходно е реалзизирано и договорено па сега се работи само за одредени информации и некој технички детал.
3. Започнете разговор претставувајќи се себе си или компанијата за која работите.
4. Ако се јавувате на централа, претставете се и кажете име и презиме на личноста со која сакате да разговарате.
5. Ако се јавувате кај секретарка, претставете се и кажете на која тема сакате да разговарате со некој претпоставен.
НАПОМЕНА
Ова се накусо основни детали и параметри кои е потребно да ги имаме во предвид кога се работи за телефонска комуникација. Мораме да имаме во предвид дека ова е една од позахтевните видови на комуникација која за да се усоврши потребно е да се практикува и вежба. Од боја на глас, до смирност, до концизност и се останато. За да бидеме врвни во ваквата комуникација која всушност е една од неколкуте вештини преку која можеме да комуницираме потенцијални соработници, клиенти итн. мораме да сме сигурни во себе, трпеливи и упорни.
За сите консултации, on-line предавања на оваа, но и други теми можете да не
контактирате на: info@euinstitue.eu
За учество на on-line вебинар на 23,24,25 и 26 Август 10h-13h
ОСНОВИ НА ДИГИТАЛНА ПИСМЕНОСТ ( 10 Модули ) можете да се пријавите на
директен линк:
https://www.cognitoforms.com/EUInstitute2/ОСНОВИНАДИГИТАЛНАПИС
МЕНОСТ
СЕКОЈ УЧЕСНИК ДОБИВА СЕРТИФИКАТ !
За сите 10 Модули се добиваат 2 Сертификати
ПРОДОЛЖУВА …
Регистрирано Национална Универзитетска библиотека “Св.Климент Охридски“, Скопје. ISBN 978-608-4880-00-4, КОМУНИКАЦИСКИ ВЕШТИНИ, COBISS.MK-ID 111602442
Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот. Недозволеното репродуцирање се казнува со закон.
