Денес во дворт на РЕК “Битола“ се одржа свеченост по повод денот на рударите 28 Август, која во последните две години се одржува под посебни протоколи заради пандемијата, но не се забораат, рударите, кои се најважни во обезбедувањето на процесот за производство на електрична енергија.Освен вицепремиерот Битиќи, на настанот се обратија и генералниот директор на ЕСМ Васко Ковачевски и директорот на РЕК Битола Златко Ќурчиевски. Вицепремиерот Битиќи го честиташе „Денот на рударите”, на сите рудари вработени во рударско енергетските комбинати Битола и Осломеј, како и во сите други рудници во земјата.
-Заложбите на Владата се рударството како гранка да продолжи да се развива во согласност со најдобрите достапни техники и технологии, како и со меѓународните договори кои ги имаме потпишано за исполнување на светските стандарди за грижата за животната средина, условите за работа, но и животниот стандард на рударите во нашата земја. Би сакал да упатам благодарност за рударите во РЕК “Битола“, во име на сите граѓани на Македонија, за посветеноста и трудот кој секојдневно го вложуваат за да се обезбеди стабилно и постојано снабдување со електрична енергија. Не бадијала луѓето кога работат многу, велат, работам како рудар.
Генералниот директор на АД ЕСМ, Васко Ковачевски, во своето обраќање посочи дека во изминатиот период се реализирани многу проекти, започнати се и реализирани повеќе инвестициски проекти, воведени се промени во работниот процес, а подобрени се и условите за работа.
-Нашата цел како компанија е во иднина повеќе да вложуваме, и во нови производни капацитети, но и во постоечките. Вложуваме и ќе вложуваме во обновливи извори на енергија, што е согласно со државната енергетска стратегија, но вложуваме и во модернизација на другите капацитетите, особено во РЕК “Битола“, но и во РЕК “Осломеј“, од причини што без енергија од термоелектрани е невозможно да се одржи стабилен и сигурен енергетски систем. Од друга страна европските директиви во енергетиката се такви што мора да се обезбедат високи еколошки стандарди при производството од јаглен и ние мораме да ги почитуваме тие стандарди”, потенцира во своето обраќање директорот на АД ЕСМ Васко Ковачевски.
Генералниот директор на РЕК Битола, Златко Ќурчиевски нагласи дека за команијата сите вработени се драгоцени, независно дали работат во рудниците, термоелектраните или во службите.
-Како што се менуваат околностите во работата на рударите, така се менуваат и околностите во кои постои и работи РЕК Битола. Новите трендови носат нови предизвици. Пред нас се наоѓа период на трансформација на електроенергетскиот систем на земјата кој од една страна мора да остане стабилен, а од друга страна мора да биде и праведен. Никој не треба да чувствува страв дека дека ќе остане без егзистенција, посочи директорот на РЕК Ќурчиевски.
На настанот беа доделени и благодарници на вработени во РЕК “Битола“ и РЕК “Осломеј“, кои покажале исклучителна посветеност, одговорност и квалитет при извршувањето на работните задачи, како и на оние кои се пензионирале со најмногу стаж.
Посебна благодарност беше искажана кон двата синдикати, на ЕСМ и подружница РЕК “Битола“ во борбата за заштита на работниците од Комбинатот за време не ковод кризата, како и на одделот за заштита при работа, а посебни кон оние кои беа неодамна вклучени во гаснењето на пожарите во земјата.
![](https://i0.wp.com/bitolanews.mk/wp-content/uploads/2021/08/рек-20.jpg?fit=1000%2C671&ssl=1)
Свеченост во РЕК “Битола“ по повод денот на рударите (фотогалерија)
More from ВестиMore posts in Вести »
- Еурофарм Пелистер започна со победа во новата сезона
- Прв суперлигашки предизвик за браќата Илиевски, ќе го судат дербито Алкалоид-Вардар
- Пивски ден, пивска ноќ, во Битола на фестивалот “Бирарија“ за занаетчиско пиво (фотогалерија)
- Уште од 5 часот утринава големи гужви на граничниот премин “Меџитлија“ патни исправи се проверуваат во три колони
- Поема на Игор Трајковски Фоја од Битола наградена на престижниот настан Verbumlandiart – Regina Resta