Претседателот на ЛДП, Горан Милевски, министер за локална самоуправа, соопшти дека синоќа ја доставил кандидатура за градоначалник на Битола, во централата на партијата, а ќе го претставувата неговата матична партија ЛДП и коалиционата ДОМ.
-Денес, на овој голем празник, овластениот претставник на “Движењето ОДЛУЧНО ЗА ПРОМЕНИ” до општинската изборна комисија ќе ги достави потребните документи, како за градоначалник, така и за советничка листа на Битола. Долго размислував дали да го прифатам предизвикот и да влезам во изборната трка. Неможев да се оглушам на барањето на членовите на партијата, како и на големиот број на граѓани кои бараа од мене да се кандидирам за градоначалник. Доколку не се кандидирав, ќе имав чувство дека сум ги предал очекувања и барања на моите пријатели и сограѓани. Тоа ќе беше голем терет за мене и немаше да можам да продолжам да работам со таквите чувства, вели Милевски.
Носител на листата за советници ќе биде Валентин Груевски, сегашен претседател на Советот на Опптина Битола.