Денес, сабота, 18 септември, во Битола, според прогнозите на метеоролозите на Управата за хидрометеоролошки работи, времето ќе биде променливо облачно со слаб до умерен северозападен ветер. Преку денот ќе има локален развој на нестабилна облачност проследена со пороен дожд, грмежи и засилен ветер. Температурата во Битола до 29 степени.
Утре, недела, 19 септември, во Битола времето ќе биде претпладне променливо облачно со локален пороен дожд и грмежи. Попладне умерено облачно. Ќе дува ветер од западен правец. Температурата во Битола до 27 степени.
