Кандидатот за градоначалник на Битола, Христо Кондовски од СДСМ, денес беше во посета на “DAKA Холдинг“ каде се сретна со сопственикот Димче Поповски, а ги разгледа и прозводните погони. По средбата Кондовски рече:
-Иновациите се движечка сила на бизнис секторот! Токму тоа го видов и за време на посетата на “DAKA Холдинг“ во Битола, компанија која се занима со производство и сервисирање на системи повеќе од две децении. Првото микропроцесорско контролно управување за лифтови кое работи врз принцип на безконтактен систем е создадено токму од оваа компанија, која покрај другото успешно работи со апликации базирани на augmented reality. Сакавме на пазарот да понудиме нешто ново, поразлично, поефикасно и пософистицирано, ми рече сопственикот Димче Поповски.
-Им честитам на храброста со големо искуство, знаење и вештини да се впуштат во освојување на пазарите во Европа, рамо до рамо со високо реномирани светски мултинационални компании. Во вакви компании треба да работат нашите млади високообразовани луѓе, а не да ни заминуваат низ светот! Поповски ми кажа дека имаат амбициозни планови за проширување на нивните капацитети, што ќе значи и нови вработувања. Но, за тоа од локалната самоуправа очекуваат поддршка преку побрзи и ефикасни измени на деталните и генералниот урбанистички план. Општината мора да го поддржи локалниот економски развој, бидејќи тоа е во интерес на сите битолчани!
