По повод 9. октомври, Денот на Хрватскиот парламент на новата сцена во Центарот за култура во Битола ќе биде изведена претставата на Сатиричниот младински театар од Славонски Брод, Хрватска “Беспомошни суштества“, базирана на драмите на Антон Павлович Чехов, драматизирана од големиот американски драматург Нил Симон, а во режија на Силвио Стилиновиќ.
-Претставата треба да се разбере како комедија. Чехов напиша „комедија“ за секое негово дело. Така е и ова. Гувернерот, Предлогот и Удавените се делови од оваа претстава во која секој ќе најде дел за смеење, а дел за размислување„, велат од Сатиричниот театар.
Претставата во Битола ќе биде и премиера на „Беспомошни суштества“, како дел од 15 -та сезона на Сатиричниот младински театар од Славонски Брод.
Гостувањето на сатиричниот театар од Хрватска е во организација на МХД.Хрватски културен центар Марко Марулиќ, Битола, во соработка со оштина Битола и Центар за култура.