Одбојкарките на Пелистер Волеј од Битола, денес со натпреварот во Скопје, против екипата ја Вардар, ја започнуваат новата сезона 2021/2022 од Прва државна дига. Оваа нов сезона за одбојкарките од Битола е шестата по ред во Првата државна лига на Македонија.
За стартот на новата сезона, тренерот Роберт Митковски вели:
-Стартуваме во Скопје против минатогодишниот вице шампион и финалист во купот Вардар Жени 2019. Амбициите се јасно поставени, а тоа е останување во суперлигата за наредната сезона. Што се однесува пак до тоа како ние ја пречекуваме сезоната че кажам дека во изминатиот период одработивме добри припреми, одигравме повеќе контролни натпревари и се надеваме дека како и секоја година формата е темпирана онака како сме замислиле, а за играчкиот кадар со располагаат за стартот на сезоната додава:
-Оваа сезона за жал неможиме да сметаме на првотимките и најдобри поентери од минатата сезона, одличниот среден блокер Ана Пејовска како и на Ева Трпеновска која играше на примачката линија. Од огромно значење е новото засилување Ана Ивановиќ која доаѓа на позицијата примач од редовите на Крагуевац – Србија. Нова во редовите на Пелистер Волеј е и младата Василикија Наумоска која доаѓа од Синалко Крушево.
Новина е и тоа што Пелистер Волеј новата сезона како домаќин ќе ја игра во спортската сала “Боро Чурлевски“ во Битола, а пред битолчани ќе се претстави уште наредниот викенд и тоа против освојувачот на двојната круна Јанта Волеј КВ.
