На 4. по ред мастерс од “Б“ дивизијата кој по обичај се игра во “Гран клуб“ во Скопје повторно се играше “мултибол“ дисциплина, а како и секогаш од Битола најредовни играчи Тони Петровски и Димитар Симовски Рашката.
После шокот од минатиот мастерс Тони Петровски се созеде и успеа да забележи две победи, неговиот колега од Битола Димитар Симовски – Рашката со рутинирана игра стигна до полуфиналето и уште еднаш покажа дека неговото место е во “А“ дивизијата што и теоретски го обезбеди со освојувањето на третото место.
За две недели следува последниот мастерс кој е шанса за Тони Петровски да избори добар пласман и догодина Битола да има 5 од вкупно 16-те места во “А лигата“.
Инаку тоа е и увертира за престојното учество во Србија на турнир кој традиционално го одржува еден од најдобрите билјард тренери во светот и своевремено меѓу најдобрите светски играчи Шандор Тот кој патем е и трикратен европски првак. Домаќин и главен судија на турнирот е битолчанецот Владимир Илиевски кој е најпознатиот македонец кој се занимава со билјард инаку познат меѓународен судија и промотор на македонските играчи. На овој турнир ќе настапат минимум 7 играчи кои што тренираат “Кај Петчи и Панчо“.
