Ако изминатата сезона поради разни причини екипата на фудбалскиот клуб Јени Маале од Битола, од истоимената населба, имаа одредени приблеми, оваа година тоа е минато и сега се една серизона екипа која има рекордни резултати. По пет одиграни кола не знаат за пораз, а имаат забележано само едно реми. За стартот на сезоната капитенот Никола Пискачев вели:
-Точно е имавме лоша сезона лани, но за наша среќа сега се е поинаку, кога ја играме 13. сезона по ред. Имаме одиграно 5 кола, по што имаме 4 победи и една нерешен резултат. Но, за нас најважно е тоа дека играме одлично и дека немаме примено ниту еден гол. Што се однесува пак до табелата ние сме на делба на првото место. Но, и покрај амбициите како и секогаш се скромни, кај нас пред се спортот да служи како алатка за дружење и се промовираат млади луѓе кои би се отргнале од пороците на новото време.И фудбалерите го делат мислењето на капитенот дека стартот е успешен и додаваат:
-Ние сме екипа која игра долго време заедно, но она што сите наши пријатели и “непријателите“ на фудбалскиот терен дека ние сме екипа која пред се го негува пријателството и дружењето. Мислам дека она што го имаме надвор од теренот, кохезијата, ја пренесуваме и на терен, а тоа ни донесе и успех на стартот на сезоната. Оваа сезона имавме и уште една причина, а со победа сакавме да му честитаме на капитенот Никола Пискачев раѓањето на неговиот син Војдан, вели Андреј Лозановски, кој во дресот на Јени Маале има одиграно повеќе од 200 натпревари.