По повод празнувањата на Денот на ослободувањето на Битола, МКЦ Битола по 11. пат се приклучи со одбележување на Европската недела на мали и средни претпријатија 2021 низ Европа. МКЦ организира во хотел Милениум“ јавна дискусија насловена “Можности за поддршка и развој на бизниси“, тема актуелна за поттикнување не само за младите туку и за сите потенцијални претприемачи.
Директорот на МКЦ Битола, Сашо Додовски, вели дека сопствениот развој носи многу просперитет не само за нив лично, туку и за пошироката заедница, за младите да останат во своите родни места, а времето покажува најдобро можеш да се снајдеш во сопствената средина. Парите за започнување на сопствен бизнис не се пресудни, битна е идејата, битен е менаџерскиот дух, битна е визијата, битна е храброста и битна е трпеливоста.-Не секој новоотворен бизнис е успешен, на Запад од 10 новоотворени бизниис, 3 се успешни. Никогаш не значи дека првата идеја е онаа вистинската, можеби нема со првиот обид ќе се реализира успешен бизнис, додаде Додовски.
На јавната распарава зборуваше и сопственичка на ИТ компанијата “Јавен Адвертајзинг“, Ана Ристевска.
-Постоиме на пазарот 4 години и како ИТ компанија потполно ги искористивме можностите за развој. Целта ни е на овој настан да дадеме совет, на кој начин можат да се прошират новонастанатите бизниси, но и на кој начин можат да се искористат повиците, кои се нудат преку различни грантови, за полесно да се влезе на пазарот и да се успее. Можностите има огласи, конкурси, веб страници, а младите немаат навика да пребаруваат, затоа преку разни обуки, семинари, јавни настани им ги покажаме насоките, што е најзначајно на пазарот, што сакаат клиентите.Сопственичка на заботехничката лабораторија “Лаб Про Дентал“, Билјана Врцал Ванчевска ги кажа предизвиците при отворањето бизнис, а ги имала и таа и рече.
-Битно во животот е да знаете од каде тргнувате и каде сакате да стигнете. Знаеме да се уплашиме од превисоките цели, но мора да си ги поставувате. Секогаш треба верба во себе и дисциплината во извршувањето на активностите. Јас сум пример дека и од Битола се може.