Пинпонгарот Главевски од Горната гимназија на Светските школски летни игри во Франција

Ученикот Даниел Зхоу Главевски од гимназијата „Јосип Броз Тито“, ќе биде единствениот претставник од општина Битола, кој ќе учествува на Светските школски летни игри, кои ќе се одржат од 14 до 22 мај во Нормандија, Франција, а се организираат секоја втора година.Претставници од гимназијата „Јосип Броз Тито“, заедно со ученикот, на средбата со градоначалникот на општина Битола Тони Коњановски, кој им посака голем успех, а тие посочија дека со досегашните постигнати резултати на Даниел, за прв пат училиштето има можност да учествува на еден ваков натпревар од светски ранг.