Денеес во Битола на две локации беше одбележан Меѓународниот ден на џезот, “Jazz day“, со џез концерти во Офицерскиот дом и кафе-барот “Порта џез“, а во Офицерски беше отворена и фото изложба. 
Културно информативниот центар Битола во Офицерски дом го прослави Меѓународниот ден на џезот “Jazz day“, со џез концерт на “Сашо Поповски квартет“ и изложба на фотографии “Џезтетика“ како и презентација на истоимената книга од фотографот Татјана Ранташа.
Младински културен центар (МКЦ) – Битола, по повод одбележувањето на Меѓународниот ден на џезот 30 април, го организира концерт на “Тони Китановски Трио“ (Тони Китановски, гитара; Виктор Филиповски, тапани; Кирил Туфекчиевски, бас) во кафе бар “Порта Џез“ во Битола.
Овој ден ги сплотува нациите и општествата прославувајќи ја уметноста на џезот, потенцирајќи ја неговата важна улога во охрабрувањето на дијалогот меѓу културите и цивилизациите, промовирајќи го човековото достоинство.
Настаните беа реализирани со поддршка на Општина Битола и е дел од глобалната акција за прослава на Меѓународниот ден на џезот кој вклучува настапи и концерти во преку 100 земји во светот.
