Press "Enter" to skip to content

Свечен пијано концерт на Дино Имери во Офицерски дом во Битола (фотогалерија)

Вечерва во Офицерскиот дом во Битола се одржа свечен концерт на Дино Имери, во организација на јавната општинска установа Културен информативен центар Битола, со поддршка на Општина Битола.Со овој концерт е по повод 9 мај Денот на Европа, а воедно ова е прв пијано концерт во Офицерски дом, во палатата на културата во Битола.-Привилегирани сме што присуствуваме на првиот пијано концерт, на концертниот клавир “Безендорфер“, по неговото вдомување овде, каде и што припаѓа, на кој ќе настапи маестро Дино Имери, рече Лили Бошевска, која нагласи дека ова е најубавата концертна сала во регионот. Маестро Дино Имери премиерно за битолчани ја изведе композицијата од битолчанецот, Вања Николовски – Ѓумар, со музички мотиви од Битола.Имери изведе и дела од Ф. Шопен, Ф. Лист, А. Џамбазов, Д. Завков и свои дела.