Утрово во 9 часот на плоштадот “Магнолија“ во Битола започна голема хуманитарна распродажба на производи на реномираната компанија “Comfy Angel”.Распродажбата ќе биде од хуманитарен карактер, а дел од средствата кои ќе се соберат ќе бидат наменети за поддршка на сојузот за спорт и рекреација на инвалиди – Битола.
–Поворно по пауза поради пандемијата започнавме со организирање на нашиот хуманитарен караван кој има повеќе цели. Првата цел е нашите производи да ги доближиме што е можно поблиску до граѓаните на Македонија по мошне поволни цени, а втората, поважна цел е парите да ги намениме во хуманитарен карактер. Овој пат дел од средствата кои што ќе бидат собрани од оваа распродажба ќе бидат наменети за Сојузот за спорт и рекреација на инвалиди на град Битола, вели Ивана Сурлаџиoска, од секторот за продажба на компанија “Comfy Angel”.
-Во Битола на оваа хуманитарна распродажба имаме производи од нашиот голем асортиман на производи. На битолчани ќе им понудиме јоргани, перници, постелнини, заштитници… по навистина промотивни цени, а сите кои денес ќе дојдат на плоштадот “Магнолија“ ќе се уверат во квалитетот и цените. Ова, како претходно рековме, е со цел што повеќе средства да собереме и што повеќе да помогнеме на оние кои што им е потребно, а во овој случај на Сојузот за спорт и рекреација на инвалиди од Битола, додава Марија Стеваноска – Темелкоска, од секторот продажба на компанија “Comfy Angel”.
![](https://i0.wp.com/bitolanews.mk/wp-content/uploads/2022/06/akcija-bt-12-88.jpg?fit=1000%2C568&ssl=1)
Хуманитарниот караван на “Comfy Angel” со распродажба на “Магнолија“ (фотогалерија)
More from КомерцијаMore posts in Комерција »
- Најдобрите гуми од светските брендови во “Мотоцентар“ во Битола, на “Краварски пат“
- Плетени октоподи за предвремено родените бебиња во болница “Плодност“
- Лилјана Илиевска, 30 години бутик “Креола МЕ-МИ“ и 50 години во продажба на конфекција и кратка роба (фото)
- Супер понуда во маркетите на Ангромаркетинг од 25 до 27 јули
- “ГТ слаткарници“ – сладолед за вистинско уживање!