Во Офицерски дом во Битола се одржува четвртиот меѓународен натпревар по пијано “Пијано фест“ 2022, со учество на 80 кандидати од Македонија, Албанија, Србија, Косово, Турција, Црна Гора и Бугарија.
Присутните ги поздрави градоначалникот на општина Битола, Тони Коњановски, а натпреварот го отвори Гоце Златев, исклучителен млад талент, со полурецитал.
Учесниците ќе се натпреваруваат во дисциплините пијано соло и пијано дуо, а распоредени се во 12 различни категории на возраст од 6 – 22 години. Оценувањето ќе го врши стручно жири во состав: Драгомир Братич од Србија, Кристина Петролари Ласо од Албанија, Дино Имери од Македонија и Лилјана Вукелија од Србија.
Натпреварот кој е во организација на здружението на пијанисти и музички педагози ПИЈАНО од Битола, поддржан е од Општина Битола во соработка со ЈОУ Културен и Информативен центар – Битола.
