Порибување на акумулацијата “Стрежево” со подмладок од крап

Денешното порибувањето на акумулацијата “Стрежево“ се реализираше со неколку илјади единки од видот крап (Cyprinus carpio), со просечна маса од 50-800 грама согласно риболовната основа, договорот за концесија и одобрениот годишен план за 2022 година, на браната “Стрежево“и шахтниот преливник.-Чинот на порибување подразбира набавка на специфициран порибителен материјал, негов транспорт во адекватни контролирани услови од репроцентарот до предвидената локација и безбедно испуштање во риболовната вода. На денешниот настан присуствуваа сите релевантни субјекти кои успешно се координираа и се грижеа за регуларноста на порибувањето, како и претставници на медиумите, риболовните здруженија и граѓани.-Со денешните активности Стрежево повторно ја потврди својата заложба, одговорност и грижа за заштитата и одржувањето на животната средина, вели директорот на “Стрежево“, Менде Граматковски.Континуитетот на вложувањата во зачувувањето, управувањето, заштитата и обновувањето на рибниот фонд несомнено директно имплицираат врз подобрувањето на условите за вршење на риболов за сите риболовци, додаваат од “Стрежево“.