Press "Enter" to skip to content

Во Народниот тетар во Битола вечер премиера на претставата “Only Artists Left Alive“

ВоНародниот театар во Битола, на сцената “Благој Стефановски – Баге, вечер премиерно ќе биде изведена претставата „Only Artists Left Alive“ чиј режисер е Мартин Кочовски, продуцент Борис Василески и драматург Стефан Миленков.

“Only Artists Left Alive“ говори првенствено за моќта и способноста на актерот и се она кое актерската уметност може да му го пружи на човештвото со поставување на прашањето „Дали научивме нешто од сево ова?“.

Начинот на кој ова функционира е со склоп на повеќе сцени од разни автори и временски периоди кои говорат за многу повеќе од обичните и секојдневни човекови проблеми. „Only Artists Left Alive“ патува низ времето, играјќи си со неговата хронологија, од самите почетоци на антиката па се до денешницата. Се наоѓаат клучните “извичници“ во драмската уметност преку кои актерот со векови се обидува да “удри шлаканица на будалата“ и да биде главниот катализатор во процесот на освестување и преобразба на човештвото.

Тематиката на ова дело не го ограничува да остане само за театарџиите и театарската публика. Претставата е далеку од нешто на кое големиот дел од публиката е навикната да го гледа на сцена. Во случај како овој, тоа е од голема полза особено во одност на тоа што е целта на претставата, каде и на што е ставен акцентот и која е пораката со која гледачот треба да го напушти гледалиштето.

Актерската екипа ја сочинуваат: Томислав Давидовски, Ава Хусеини, Марјан Наумов, Јанка Лефкова, Здравко Стојмиров и Марија Стефановска.

Музиката ја има подготвено Пеце Трајковски, сценографијата е на Филип Јовановски, а костимографијата на Марта Дојчиновска.

Претставата е ко-продукција на независното здружение „Штрих“, Народен театар Битола и Младински културен центар – Скопје.