Денес двати тима на Еурофарм Пелистер во Битола, во спортската сала “Боро Чурлевски“ го одиграа првиот контролен натпревар, на кој двајцата тренери Ларсен и Јовиќ, уште еднаш, на терен, го проверија потенцијалот на нивните тимови пред стартот на новата ракометна сезона.
А, на трибините во Битола несекојдневна публика, на едно место поранешни ракометари и тренери на Пелистер, од неколку генерации на клубот кој оставиле трага во битолскиот ракомет. Тука беа Игор Тосковски, Борче Марковски, Стевче Стефановски и Кире Поповски, кои заедно со спортскиот новинар Зоран Мишевски имаа само една тема на разговор, битолскиот ракомет.
