Во Офицерски дом во Битола, беше промовирана книгата “Корени“ на битолчанката м-р Гордана Лазаревска Димитријевиќ. Темата се однесува на старото битолско семејство на бавчанџии Константину кое живеело во близина на Камен мост во Битола и семејството на нивната ќерка Викторија Јоану, подоцна Јованова и кое во 19 и 20 век било познато надалеку по градинарството, а особено по лозарството и производството на вино, исто така во Битола.Еден од членовите бил пратен да го изучува занаетот во Корча, каде останал да живее и основал своја дестилерија и семејство а во чест на родната Битола го зел презимето Манастирли. Така семејството се раселило низ целиот Балкан а во поново време и низ целиот свет.
Нивните поколенија исто така имале интересни професии: патувачки фотографи, трговци, уметници, музичари, пилоти и др. а денес тоа се семејствата Манастирли, Лала, Лазаревски, Тадиќ, Јашмакови , Трпковски, Штрала, Попови и други.
Во голем дел од книгата се зборува за градот Битола со поширокиот регион и за општествените прилики опфаќајќи го периодот од средината на 19 век па натаму, периодот на Османлиското царство, Првата светска војна, Балканските војни и Втората светска војна ,па токму поради овој факт, веројатно ќе побуди интерес кај консументите и ќе остави белег за историјата на градот и пошироко и животот воопшто во минатото.
Тоа е вистинска приказна за претците на авторот која започнува во 1830 година и до денес веќе има потомци од осмо колено. За оваа прилика, во градот на нивните претци допатуваа потомци на семејството од Грција, Албанија, Србија, Канада, Америка, Германија и Франција.
Промотор беше исто така познатата битолчанка Марија Герас Дочовска. Книгата е во продажба во книжарница “Квин“ отспротива на Основен суд Битола. Тоа е убаво четиво како се негува хрониката на едно семејство.

Промоција на книгата “Корени“ на Гордана Лазаревска Димитријевиќ (фотогалерија)
More from ВестиMore posts in Вести »
- Болдер ѕид за качување со трибина за детски и младински активности
- Пионерската екипа на Пелистер шампион на Македонија (фотогалерија)
- Состанок на Централниот одбор на ПОДЕМ
- СВР Битола: приведени три лица за поседување марихуана, 58 санкции за брзо возење
- Младите креативци од Битола на платото пред Офицерски дом (фото)
More from КултураMore posts in Култура »
- Младите креативци од Битола на платото пред Офицерски дом (фото)
- Изведена претставата “Далеку, а сосем тука“ на учениците од Горната гимназија од Битола на амфитеатарот на Тумбекафе (мега фотогалерија)
- Изложба “Портрети низ Горната“, секоја слика раскажува приказна раскажана низ објективот на ученичката Дамијана Ристевска (фотогалерија)
- Промовиран новиот број на “Нова Веда“ на учениците од Горната Гимназија од Битола (фотогалерија)
- Библиотеката и зоолошката градина потпишаа меморандум за соработка