Синоќа во кино “Манаки“ во Битола беше краткиот филм “Сонети“ кој е инспириран и претставува адаптација на познатите Шекспирови Сонети, како и од животот и делото на самиот Шекспир.Филмуваната верзија на оваа адаптација се занимава со несовршеноста и ефемерноста на човековата природа, посебно со љубовта како таква од една страна, како и рамнодушноста на природата кон човековите судбини, од друга страна.
Во таа смисла забележителни се прекрасните пејсажи од околината на Битола со дискретни асоцијации за човековата негрижа кон истата, убавина која исчезнува пред нашите очи. Црно- белиот свет само за миг се обојува за повторно да исчезне.
На визуелно поетски начин филмот се обидува линеарно да ја раскаже и да ја открие тајната кому се пишувани овие безвременски стихови.
Токму поради тоа се мешаат и времињата одејќи по работ на фиктивното и сонот.
Во филмот истите се интерпретирани од актерите Соња Михајлова и Петар Горко, камерата и монтажата се на Никола Марковски а музиката на Александар Димовски.
Адаптацијата и режијата ги потпишува Благој Мицевски.
Проектот е поддржан од Општина Битола, КИЦ Битола и Кино Манаки.
Планирано е со англиски превод да има и своја меѓународна проекција на некој “Шекспир фестивал“.
![](https://i0.wp.com/bitolanews.mk/wp-content/uploads/2022/11/biulevar-19-88.jpg?fit=1000%2C568&ssl=1)
Во Битола промовиран краткиот филм “Сонети“ во адаптација и режија на Благој Мицевски (фотогалерија)
More from БитолаMore posts in Битола »
- Деновиве пред 10 години: по повеќе од 10 години пауза, стартуваше со работа базенот “Довлеџик“ во Битола (фото)
- Се асфалтираат спортските терени кај ООУ “Елпида Караманди“ Битола
- Известување од РЕК Битола
- “Ех, таа серенада”- Втор по ред Фестивал на серенада на плато Офицерски дом Битола
- Инженерски прстен за две дипломки од УКЛО
More from КултураMore posts in Култура »
- Театарската претставата “Крал Лир“ изведена во “Вила Де Ниро“ пред светската премиера на Охридско лето (фотогалерија)
- “Македона“ ревија на дизајнирана женска облека инспирирана од народна носија на модниот креатор Александар Ортаковски од Битола (фотогалерија)
- Спектакуларен концерт во Битола на маестро Илија Ампевски и пријателите за неговиот 50 роденден (фотогалерија + видео)
- КУД “Илинден“ Битола со музичко-сценскиот проект “На Панаѓир“ на Илинденски денови (фотогалерија)
- Гостување на операта “Дидона и Енеј“ и започната соработката меѓу КУД “Стив Наумов“ од Битола и СКЦ од Ниш