Press "Enter" to skip to content

Објавена постапката за изградба на пречистителна станица и реконструкција и надградба на канализационата мрежа во Општина Битола

После неуспешното спроведување во 2020 година, повторно се обновува постапката за проектот „Изградба на пречистителна станица и реконструкција и надградба на канализационата мрежа во Општина Битола”, со кој Битола треба да добие пречистителна станица со која е предвидено собирање и третирање на отпадните води во градот и околината. Тендерската постапка ја објави Министерството за финансии, преку единицата за централно финансирање и склучување на договори, а крајниот рок за доставување на понуди е 21.02.2023.

Работите на канализационата мрежа ќе опфатат: изградба на околу 9 километри нова канализациона мрежа, реконструкција на околу 13 km постоечка канализациона мрежа, проектирање и изградба на две пумпни станици и потисни цевки од околу 5,6 km, и проектирање и изградба на главен канализациски колектор на улица “Широк сокак“ и “Солунска“ со метод на микротунелирање со приближна должина од 325 m.

Вкупната вредност на овој проект кој е финансиран од ИПА 2 Програмата, преку Секторот за заштита на животната средина и климатски промени изнесува 27,8 милиони евра.

Со реализацијата на проектот ќе се реши проблемот со отпадните води кои во моментот се испуштаат во реката Драгор и Петтиот канал, како и излевањето на канализацијата на повеќе локации во градот.

More from ВестиMore posts in Вести »