Од септември 2022 година, Здружението за развој на ромската заедница „Сумнал“ започна со имплементација на ново Партнерство за соработка во рамките на Еразмус + програмата „Digital Inclusion for Roma Adults: Gaining Knowledge and Skills in eServices – DIRA (Дигитална инклузија на возрасни Роми: Стекнување на знаења и вештини за користење на еУслуги).
Главната цел на проектот е подобрување на социо-економската состојба на возрасните Роми преку образование од областа на ИТ технологијата и развивање на дигитални вештини и компетенции за да се оспособи возрасната популација и социјално исклучените луѓе да користат достапни електронски услуги во нивните околини, и да бидат подобро вклучени во нивните заедници и општества.
Воведниот партнерски состанок се одржа онлајн на 27.09.2022 година. За време на состанокот партнерските организации од Финска, Северна Македонија, Италија и Србија се запознаа и дискутираа за проeктот и проектните задачи. Дополнително беа договорени состаноци за финансискиот менаџмент и дисеминативните активности. Како дел од мониторингот, секој почеток на месецот ќе се одржуваат онлајн состаноци за следење на имплементацијата на активностите и разрешување на тековни прашања.
Првите активности вклучуваат развивање на општ прашалник за сите земји учеснички како и национални прашалници за секоја земја учесник со цел да се истражат потребите и состојбата на Ромските заедници во областа на дигиталните знаења и вештини. Спроведувањето на анкетите и анализата на резултатите ќе бидат завршени до крајот на годинава. Проектот е кофинансиран од Европската комисија преку Еразмус + програмата, а го координира финската фондација Деаконес.
