“Чкембарите“ во Битола со пиротехничко шоу, навивачки песни, транспаренти, знамиња, шалови… недостигаше само победа (фотогалерија)

Како и се најавуваше така и беше денес во Битола, под Тумбекафе, каде покрај битката за бодови на теренот, на трибините имаше и навивачка битка помеѓу “Чкембари“ – Битола и “Комити“ – Скопје.“Чкембарите“ кои се обединија од цела Битола, Ушици, Баир, Центар, Карпош, Нова Битола… овој натпревар го одбележаа онака како и доликува, без инциденти, но со се она што значи навивање и поддршка на својот тим.Имаше пиротехничко шоу со многу бакли, најмногу во зелена боја, се пееја навивачки песни, имаше знамиња, шалови…И на “чкембарската трибина“ од сите возрасти, тука беа ветераните, младите бригадири… се на се натпревар кој од навивачка гледна точка уште долго ќе се коментира, но и ќе се жали за двата неосвоени бода по ремито во Битола.Низ фотографии ќе се обидеме да доловиме како беше на трибината каде се наоѓаа “Чкембарите“.