Потпишан Меморандум за соработка меѓу УКЛО и Македонско – американската алумни асоцијација (фотогалерија)

Универзитетот „Св. Климент Охридски“ – Битола претставуван од ректорот, проф. д-р Игор Неделковски и Македонско – американската алумни асоцијација застапувана од претседателката, Верица Јорданова, денес потпишаа Меморандум за соработка.Меморандумот претставува платформа за постојана размена на искуства и информации за продлабочување на меѓусебната соработката во повеќе области. Содржината ќе се остварува со поддршка од досегашните, но и идни алумнисти на УКЛО, кои ги користеле или ќе ги користат образовните програми на Владата на САД. Според ректорот Неделковски, со договорот, УКЛО И МААА планираат  поширока соработка со вклучување на граѓанскиот сектор и невладини организации за аплицирање во проекти и организирање заеднички настани со поддршка од алумнистите.Верица Јорданова од МААА оценува дека соработката со државните  универзитети е многу важна затоа што од академијата доаѓаат најдобри кандидати за програмите и по нивното враќање имаат на располагање голем број фондови и програми во САД чија промоција со Меморандумот  ќе биде пошироко овозможена.МААА е „чадор“ организација во којашто учествуваат лица што оствариле едукативна програма во САД и во моментот има околу 500 членови.Меморандум за соработка меѓу УКЛО и МААА е потпишан во Студентскиот информативен центар. Претходно, за студентите и академските кадри од УКЛО одржана е презентација на можности за студирање во САД, во организација на Амбасадата на САД.