Пет поранешни ректори на Универзитетот “Св. Климент Охридски“ Битола беа присутни на првиот состанок за формирање на Совет на ректори, во кој ќе членуваат сите поранешни ректори на УКЛО и кој совет ќе биде советодавно тело на актуелниот ректор.
На првиот состанок кој се одржа во кабинетот на ректорот на УКЛО проф. д-р Игор Неделковски, беа присутни проф. д-р Димко Кокаровски, проф. д-р Софроние Миладиновски, проф. д-р Златко Жоглев и проф. д-р Сашо Коруновски. Професорката д-р Виолета Пановска – Бошкоска, беше спречена да присуствува на состанокот но ја прифатила поканата са биде дел од Советот на ректори.
Актуелниот ректор Неделковски посочи дека посебно му е мило што сите се витални и нивните совети ќе бидат корисни за неговата работа и УКЛО.